قصه حور بقلم الكسندر

اسمي اماني خريجة صيدلة متجوزة بقالي 3 سنين ولسه لحد دلوقتي محصلش حمل مع ان جوزى دكتور أمراض نسا وتوليد وفي يوم كنت عند ماما وقالتلي
سناء
بقولك ايه يا اماني هو جوزك مش ناوي يعملك عملية الحقن المجهري بقا مش عيب يكون دكتور كبير كده ومش عارف يخلي مراته حامل
اماني بزعل 
لا يا ماما مش ناوي يعملهالي اصل شريف بيقول انها متنفعليش وبعدين انا خلاص رديت باللي ربنا كاتبه ليا

سناء
ليه هو انتي مش ست زي بقيت الستات اللي بيعملوها وبيخلوفو ولا ايه
اماني
ياماما شريف دكتور واكيد عارف اكتر وبعدين 
خلاص بقي هو انتي كل ما تشوفي 
وشي لازم تقولي ليا الكلام ده
سناء
يعني ما هو جوزك اللي عملها لاخت مرات اخوكي وما شاء الله جابت تؤام زي القمر ربنا يباركلها فيهم ولا هو جه لحد عندك ومش عارف يعملها ولا يمكن باب النجار مخلع زي مابيقولو
اماني
لا ياماما مش مخلع ولا حاجة وشريف مشاء الله عليه دكتور نسا شاطر جدا ويمكن اشطر من اخوه عماد ماانتي عارفة هو كمان دكتور وفي نفس المجال
سناء 
ياحبيبتي انا بقول عشانك وكمان عشان عارفه حماتك لسانها مش بيسكت خصوصا ان سلايفك الاتنين معاهم عيال وانتي الوحيدة اللي مخلفتيش لحد دلوقتي
اماني 
طيب يعنى هنعمل ايه ياماما ماهو شريف لما عملي التحاليل عشان العملية دي لاقي انه في مشاكل واديني باخد العلاج اللي قالي وربنا يسهل
ورجعت البيت لقيت شريف موجود
شريف. 
حمد الله على السلامة يا اماني اتاخرتي عند مامتك كده ليه هي تعبانة ولا ايه
اماني 
لا ابدا ياشريف بس الكلام اخدني معاها ولسه نازله من عندها وبعدين انت اول مره ترجع بدري متصلتش بيا ليه وانت جاي وكنت جتلك من عندنا علطول
شريف 
لا عادي مفيش مشكله انا كمان لسه داخل من دقيقتين
اماني 
طيب ياشريف هو لسه برضو مفيش امل اني اعمل العملية وتنجح
شريف 
لما تخلصي العلاج ونعمل التحاليل تاني ساعتها هنعرف العملية هتنفع ولا لا
اماني 
طيب وافرض لقدر الله منفعتش هفضل طول عمري من غير اولاد ياشريف
شريف 
لا اله الا الله يا اماني هو في حاجة بعيدة عن ربنا ارمي توكالك على الله وقولي يارب
اماني 
يارب ياشريف يارب
شريف 
وياريت تبقا دي اخر مره نتكلم في موضوع العملية دي تاني مش كل ماتشوفي وشي تقوليلي
اماني 
حاضر ياشريف بس انا بقول ان عمري بيعدي وخلاص بقا عندي 35سنه يادوب الحق اخلف دلوقتي واعرف اربي واكبر
شريف
عادي يا اماني في ستات بتحمل لحد سن الأربعين وبرضو بيربو وبيكبروا يعني متفكريش نفسك كبيره اوي يعنى انتي عارفة اني دكتور نسا وفاهم كويس انا بعمل ايه واكيد هبقا عارف حالتك وخلاص بقا مش عايزين نتكلم في الموضوع ده تاني تمام يلا تصبحي على خير
وسبني ودخل اوضتة وفضلت اعده افكر في عمري اللي بيجري من غير اولاد وقولت يارب اكون ام زي بقيت البنات
وبعد كام يوم سلفتي طلعت عندي في شقتي تقعد معايا
مروه 
مالك يا اماني شكلك عامل ليه كده يا حبيبتي هو فيه حاجه مزعلاكي ولا اي
اماني 
بجد مش عارفه ليه كل ما اكلم شريف 
في موضوع العمليه يتغير معايا في الكلام 
معرفش هو فيه اي بالظبط
مروة 
خلاص بقا يا اماني اكيد الدكتور شريف يعرف اكتر منك في الأمور اللي زي دي وبعدين ماهو بيديكي العلاج عشان ربنا يكرمك والعملية تتعمل مش تقعدي كل شوية تزني عليه الرجالة بتزهق ياحبيبتي
اماني 
ده دكتور يا مروة والمفروض انه يكون عنده حلول كتير للمشكلة اللي احنا فيها ده خلا ماما تقولي هو باب النجار مخلع
مروة
ههههه والله مامتك دي عسل بس